ABRIL
Este mes a actualidade pasa pola negociación do Convenio se ningún paso considerábel na negociación e pola aplicación do ERTE polos paróns de actividade debido á falta de abastecemento de microchips ao noso cliente Stellantis.
MARZO
Este mes a actualidade pasa polo comezo da negociación do Convenio o 4 de marzo cunha plataforma en común para todo o Comité. Dita plataforma foi presentada ante a Empresa e a seguintes xuntanza será o 26 de marzo.
Así mesmo a actualidade pasa polos paróns do cliente na quenda da noite e na de fin de semana debido ao desabastecemento dos chips, o cal desembocará na negociación dun ERTE para prever novas paradas. Esta negociación comezará o 23 de marzo.
FEBREIRO
Este mes a actualidade pasa pola xuntanza con RAMSTAD e pola apertura da mesa de negociación do novo Convenio.
XANEIRO
O COMITÉ o pasado 11 de xaneiro solicitou unha xuntanza urxente á Empresa para tratar o tema das produtividades ao cal a Empresa respondeu convocándonos para o vindeiro xoves 21. Por elo, o COMITÉ o pasado 15 de xaneiro vén de acordar:
- Convocar asembleas para este SÁBADO 16 de xaneiro de 19h a 19:45h e o LUNS de 13:15h a 13:45h, de 14h a 14:30h e de 21:15 a 21:45h para as diferentes quendas de traballo.
- Convocar folga no caso de que a empresa non rectifique na súa pretensión de levar a cabo as produtividades.
- A mesma convocarase a partir da derradeira asemblea de traballadores do luns para comezar a mesma o vindeiro martes 26 de xaneiro.
A seguir a Empresa convocou para hoxe día 18 de xaneiro ás 11 h a unha representación de todas as seccións sindicais para realizar unha comunicación por medio do seu Director D.Jose María Salazar e da cal vos manteremos puntualmente comunicados.
Asemblea do sábado
Despois de xuntarse os días 19 e 20 de xaneiro chegouse a un acordo conforme:
- Aos Etts que ocupasen posto e non estivesen cubrido ningunha baixa, maioritariamente os que estaban na cuarta quenda se lles faría contrato por empresa.
- Nas liñas de dianteiros manterase a gama a 52 v/h mentres non se poida ter unha gama a 50 v/h realizábel polos traballadores. Buscarán desprazar operacións cara postos pouco cargados de loxística.
- A dirección comprometeuse a que o posto de kitting entre na rotación de dianteiros e a non realizar ningunha produtividade máis no que resta de ano.
- En traseiros definirase unha configuración para manter tres persoas tapizando ou dúas persoas máis outra persoa na curva.
(A acta estará coas actas de xaneiro de 2020)
Hoxe en día a actualidade pasa polas produtividades que está a realizar a Empresa. Por medio do Comité convocouse á Empresa para, en primeira instancia, falar coa mesma sobre o tema e, logo, de non entrar en razón coas esixencias da parte social, ver os seguintes pasos a dar. A importancia deste tema radica en dous puntos: a saúde e o futuro da plantilla indefinida. O primeiro dos puntos é o consabido do que provocan os elevados ritmos de traballo na nosa saúde e o segundo trátase de asegurar o traballo para a totalidades dos indefinidos cando a cuarta quenda desapareza.
Así mesmo trasladóuselle á Empresa unha petición de xuntarse con Ramstad para que nos expliquen as súas táboas salariais, xa que deberían ser como as nosas pero calculadas por horas, e verificar que pagan axeitadamente, así como falar dos continuos trocos de quenda dos seus traballadores e traballadoras e outros tipos de abusos que estamos a ver. Dentro deste tema está a contratación da cuarta quenda pola que o Comité viuse na obriga de denunciar a situación ante a Inspección de traballo, xa que o noso Convenio só permite a contratación de Etts para determinados supostos relacionados co absentismo.
Tamén solicitóuselle á Empresa cotexar as vindeiras táboas salarias do vindeiro 2021, xa que se ben van ser as mesmas cantidades na maioría de conceptos, volvemos aos conceptos existentes ata a sinatura do Convenio como o bono de transporte, o incentivo de produción e o paga rateado da parte fixa da paga de setembro. Así mesmo se desconxelan as horas extras e as horas complementarias, ademais de ter que actualizar aqueles conceptos, hoxe incluídos no plus ad personam.